ਗੁਰ ਕਿਰਪਾ ਤੇ ਸੇ ਜਨ ਜਾਗੇ ਜਿਨਾ ਹਰਿ ਮਨਿ ਵਸਿਆ ਬੋਲਹਿ ਅੰਮ੍ਰਿਤ ਬਾਣੀ ॥
ਕਹੈ ਨਾਨਕੁ ਸੋ ਤਤੁ ਪਾਏ ਜਿਸ ਨੋ ਅਨਦਿਨੁ ਹਰਿ ਲਿਵ ਲਾਗੈ ਜਾਗਤ ਰੈਣਿ ਵਿਹਾਣੀ ॥27॥
ਗੁਰੂ ਜੀ ਦੀ ਕਿਰਪਾ ਦੇ ਨਾਲ ਉਹ ਲੋਕ ਜਾਗ ਪੈਂਦੇ ਹਨ – ਪਰਮਾਤਮਾ ਅਤੇ ਨਾਮ ਦਾ ਗਿਆਨ ਹੋ ਜਾਂਦਾ ਹੈ,ਜਿਨ੍ਹਾਂ ਦੇ ਮਨ ਦੇ ਅੰਦਰ ਵਾਹਿਗੁਰੂ ਦੀ ਯਾਦ ਵੱਸ ਜਾਂਦੀ ਹੈ, ਅਤੇ ਉਹ ਅੰਮ੍ਰਿਤ ਵਰਗੀ ਬਾਣੀ ਪੜ੍ਹਦੇ ਹਨ।ਅੰਮ੍ਰਿਤ ਬਾਣੀ – ਉੱਚੀ-ਸੁੱਚੀ, ਪਵਿੱਤਰ, ਜੀਵਨ ਦੇਣ ਵਾਲੀ ਬਾਣੀ।ਨਾਨਕ ਜੀ ਕਹਿੰਦੇ ਹਨ ਕਿ ਉਸ ਨੂੰ ਅਸਲੀ ਗੱਲ ਦਾ ਪਤਾ ਲਗਦਾ ਹੈ ਕਿ ਜਿਸ ਨੂੰ ਦਿਨ-ਰਾਤ ਵਾਹਿਗੁਰੂ ਦਾ ਪਿਆਰ ਬਣਿਆ ਰਹਿੰਦਾ ਹੈ (ਲਗਨ ਦੇ ਨਾਲ ਨਾਮ ਜਪਦਾ ਹੈ) ਅਤੇ ਜਾਗ ਕੇ: ਨਾਮ ਜਪਦਾ, ਰਾਤ ਕੱਟਦਾ ਹੈ (ਚੇਤੰਨ: ਚੁਸਤ, ਹੋ ਨਾਮ ਜਪਦੇ ਜੀਵਨ ਬਤੀਤ ਕਰਦਾ ਹੈ)।